FAQ

Əlavə məlumat üçün:

info@mybida.site

Tez-tez soruşulan suallar

BİDA platforması haqqında sizi maraqlandıran bir çox suallara bu səhifədə cavab tapa bilərsiniz.

Mövcud və potensial istifadəçilərin ən çox soruşduğu və ya soruşmaq istədiyi sualları aşağıda qruplaşdıraraq əhatə etməyə çalışmışıq.

Yenə də cavabsız sualınız qalırsa, bizimlə əlaqə saxlaya bilərsiniz. İstənilən sualınızı cavablandırmaqdan məmnun olarıq.

01

Ümumİ suallar

BİDA nədir və nəyə xidmət edir?

“Bina İdarəetmə Aləti” və ya “BİDA” daşınmaz əmlakların idarə olunması üçün yaradılmış elektron platformadır. Bu platformanın köməyi ilə binanı idarə edən şirkətin və ya təşkilatın əməkdaşları ağıllı telefon və ya kompüter üzərindən işlərini planlayıb idarə edə bilir.

Bu platforma kim üçün nəzərdə tutulub?

BİDA çoxmənzilli yaşayış binaları, rezidenslər, multifunksional əmlak kompleksləri ilə əlaqəsi olan hər kəs üçündür. İlk növbədə hər hansı binanı idarə edən təşkilat, şirkət və ya Mənzil Tikinti Kooperativi (MTK) bu platformadan istifadə etməklə işini daha sürətli, asan və az xərclərlə idarə edə bilər.

Digər tərəfdən, çoxmənzilli binalarda, əmlak komplekslərində mülkiyyət sahibi olan, yaşayan, icarəçi olan hər bir kəs bu platformadan istifadə etməklə əmlakın təqdim etdiyi xidmətləri daha rahat şəkildə əldə edə bilər.

Bu platforma ödənişlidirmi? Ödənişi nə qədərdir?

Bina İdarəetmə Aləti əmlakdan istifadə edən hər kəs üçün ödənişsizdir. Binada mənzil sahibi olan şəxslər, sakinlər, yaşayış və qeyri-yaşayış sahələrinin icarəçiləri bu platformadan heç bir ödəniş etmədən istifadə edə bilər.

Platformanın ödənişi binanı idarə edən şirkət və ya təşkilat tərəfindən müqavilə əsasında təmin olunur.

Binalar kim tərəfindən idarə olunur?

İşlərin planlanması, xidmətlərin yerində göstərilməsi, fiziki işin icrası binanı idarə edən komandanın üzərinə düşür. Bu platforma sadəcə həmin işləri daha səmərəli və asan etmək üçün müasir texnologiyaların verdiyi imkanları təqdim edir.

Bir sözlə, BİDA binanın idarə olunmasına dəstək verən elektron alətdir. Burada bir sıra proseslər avtomatlaşdırılmış qaydada çalışır. Hər kəs üçün məlumatlandırma və izləmə asanlaşır.

02

Necə Qoşulmaq Olar?

Mən adi istifadəçiyəm və bu platformadan necə istifadə edə bilərəm?

Çoxmənzilli binalarda, rezidenslərdə və digər daşınmaz əmlak komplekslərində yaşayan hər bir şəxs, istər mənzil mülkiyyətçisi olsun, istər icarəçi, istərsə də adi sakin, bu platformadan istifadə etməklə binadakı xidmətlərdən faydalana bilər.

Bunun üçün sadəcə tətbiqi yükləyib qeydiyyatdan keçmək yetərlidir. Mobil tətbiqdə qeydiyyatdan keçmək üçün hər hansı ödəniş və ya kart tələbi mövcud deyil.

Lakin hər hansı binada bu xidmətdən faydalanmaq üçün ilk öncə həmin bina bu platformada qeydiyyatda olmalıdır.

Hər hansı binanı platformada necə qeydiyyata almaq olar?

Hər hansı binanı BİDA platformasında qeydiyyata almaq üçün həmin əmlakı idarə edən təşkilat və ya şirkət bu platformanın istifadəçisi olmalıdır.

Bina idarəedicisi BİDA istifadəçisi olduqdan sonra portfelində olan istənilən binanı özü platformada qeydə ala bilir.

Bina idarəedicisi qismində platforma istifadəçisi olmaq üçün bizimlə əlaqə saxlaya bilərsiniz.

Qeydə alınan binaların sayında hər hansı məhdudiyyət varmı?

Xeyr, bina idarəedicisi qismində istifadəçi olan istənilən şirkət və ya təşkilat öz portfelində olan istənilən sayda binanı qeydə alıb bir mərkəzdən idarə edə bilir.

Bu platformaya necə qoşulmaq olar?

Həm Android, həm də İOS telefon istifadəçiləri müvafiq olaraq Play Market və AppStore-dan BİDA mobil tətbiqini yükləyib qeydiyyatdan keçə bilərlər. Bundan başqa, bu saytdan istifadə etməklə desktop kompüterlərində də bu platformanı istifadə etmək mümkündür.

Platformadan istifadə etmək üçün hər hansı şəxs ilk öncə bu tətbiqin istifadəçisi kimi qeydiyyatdan keçməlidir.

SİZ DƏ BİDA AİLƏSİNƏ QOŞULUN

Sizin istəyinizlə qısa zamanda işinizi rəqəmsallaşdırmağa hazırıq. İlkin qoşulma və davamlı texniki dəstəyimiz sizin xidmətinizdədir.

+info@mybida.site